අප්‍රේල් මස 14 වැනි සෙනසුරාදා අපර භාග 03.29 ට ආහාර පිසීමේ චාරිත්‍රය උදා වන අතර ඒ සඳහා විචිත්‍ර වර්ණ වස්ත‍්‍රාභරණයෙන් සැරසී දකුණු දිශාව බලා ලිප් බැඳ ගිනි මොලවා කිරි මිශ‍්‍ර බතක් ද තල හා විළඳ මිශ‍්‍ර කැවිලි වර්ගයක් ද පිළියෙල කර ගැනීම මැනවි.
නිවසක ආහාර පිසීම දිනපතා සිදුවන්නකි. එමෙන්ම නිරෝගී දිවි පෙවෙතකට පෝෂ්‍යදායී ආහාර ගැනීම අත්‍යවශ්‍ය දෙයකි. මෙය අවුරුද්දේ නැකතට කිරීම චිරාගත සම්ප්‍රදායකි. අලුත් ළිපක් සාදා නැවුම් වළඳක සුබ දිශාව බලා නැකතට ළිප ගිනි මෙළවීම සිදු කරයි.
