රොක් සංගීතයේ පුරාවෘත්තයක් වූ ටීනා ටර්නර් ජීවිතයෙන් සමුගත්තාය.
80 දශකයේ පොප් සංගීතයේ ආදර්ශනීය තරු සලකුණ වූ ටීනා මිය යන විට 83 වැනි වියෙහි පසුවූවාය.
ටීනා ටර්නර් උපත ලබන්නේ වර්ෂ 1939 නොවැම්බර් මස 26 වැනිදාය. ඊයේ (24) රාත්‍රියේ ප්‍රකාශයක් නිකුත් කරමින් ඇගේ ප්‍රකාශකයා වූ බර්නාඩ් ඩොහර්ටි මෙසේ පැවසුවේය.
“ටීනා ටර්නර්, ‘රොක් ඇන්ඩ් රෝල් රැජින’ අද වයස අවුරුදු 83 ක් ආයු වළඳා ස්විට්සර්ලන්තයේ සූරිච් අසල කුස්නාච්ට් හි පිහිටි ඇගේ නිවසේ දී සාමකාමීව මිය ගියාය.
ඇය සමඟ ලෝකයට සංගීත පුරාවෘත්තයක් සහ ආදර්ශයක් අහිමි විය. ටීනා ටර්නර් පසුගිය වකවානුව පුරාම පසුවී තිබුණේ රෝගී තත්ත්වයෙනි.
ඇයට 2016 වර්ෂයේ දී බඩවැලේ පිළිකාවක් වැළඳී තිබිණි.
වර්ෂ 2017 දී ඇය වකුගඩුවක් බද්ධ කිරීමට ලක් වූවාය.
මෑත වසරවලදී ඇය ගත කර ඇත්තේ අසනීපයෙනි.
