කැරට් 22 රන් පවුමක මිල තවදුරටත් පහළ බැස තිබෙනවා.
හෙට්ටිවීදිය රන් ව්‍යාපාරිකයින් පවසන්නේ අද පෙරවරුව වනවිට කැරට් 22 රන් පවුමක මිල රුපියල් 145,000 ක් ලෙස සටහන් වූ බවයි.
කැරට් 24 රන් පවුමකට රුපියල් 160,000 ක් දක්වා මිලක් අද පෙරවරුවේ පැවැති බව රන් ව්‍යාපාරිකයින් පැවසුවා.
ඩොලරයේ අගය පහළ යෑමත් සමඟ ශ්‍රී ලංකාව තුළ රන් මිල තවදුරටත් ශීඝ්‍රයෙන් පහළ බසිමින් පවතින බවයි දේශීය රන් ව්‍යාපාරිකයින් වැඩිදුරටත් සඳහන් කළේ.
