හඟුරන්කෙත පොරමඩුල්ල විද්‍යාකර මහා විද්‍යාලයේ සිසු සිසුවියන් 59 දෙනෙකු ආහාර විස වීමක් හේතුවෙන් ඊයේ (23) රිකිල්ලගස්කඩ රෝහලට ප්‍රතිකාර සඳහා ඇතුළත් කර තිබෙනවා.
සිසු සිසුවියන් කෑම සහ අනෙකුත් ආහාර ද්‍රව්‍ය අලෙවි කිරීමේ පොළක් පවත්වා ඇති අතර එහි තිබූ අච්චාරු ඇතුළු ආහාර ද්‍රව්‍ය ආහාරයට ගැනීමෙන් මෙලෙස සිසු සිසුවියන් ආසාදනයට ලක් වී ඇති බව විමර්ශනවලදී හෙළි වී ඇත්තේ.
හඟුරන්කෙත පොලිසිය සඳහන් කළේ රෝහලට ඇතුළත් කළ පනස් නව දෙනාගෙන් 58 දෙනෙකු ප්‍රතිකාර ලබා පිටව ගොස් ඇති අතර එක් සිසුවකු තවමත් රෝහලේ ප්‍රතිකාර ලබන බවයි.
