මුහුදුබත්වූ ටයිටනික් නෞකාව නැරඹීමට ගොස් පුපුරා ගිය ටයිටන් සබ්මැරීනයේ සිටි පුද්ගලයන්ගේ බවට සැක කරන සිරුරු කොටස් හමුවී තිබෙනවා.
විදෙස් මාධ්‍ය වාර්තා කළේ එම සිරුරු කොටස් සම්බන්ධයෙන් විධිමත් පරීක්ෂණයක් සිදු කිරීමට වෙරළාරක්ෂක බලකාය අපේක්ෂා කරන බවයි.
මුහුදුබත් වූ ටයිටන් සබ්මැරීනයේ කොටස් සොයාගැනීම සඳහා සිදු කරන විමර්ශනයකදී මෙලෙස සිරුරු කොටස් හමුවී ඇති බවයි වාර්තා වන්නේ.
එමෙන්ම අනතුරට ලක්වූ සබ්මැරීනයේ හමුවූ කොටස් ද මේ වනවිට පර්යේෂණ සඳහා යොමු කොට තිබෙනවා.
උතුරු අත්ලාන්තික් සාගරයේදී මුහුදුබත් වූ ටයිටැනික් නෞකාව නැරඹීමට ගොස් සිටියදී ටයිටන් සබ්මැරීනය අනතුරුට ලක්වීමෙන් එහි ගමන් කළ පුද්ගලයින් 5 දෙනෙකු ජීවිතක්ෂය පත්වුණා.
අනතුර සම්බන්ධයෙන් සිදු කරන විමර්ශනය සඳහා ප්‍රංශය, කැනඩාව, බ්‍රිතාන්‍ය යන රටවල්වල සහයෝගය හිමි වනවා.
