ටී 56 ගිනි අවියක් රැගෙන කඳවුරෙන් පලා යමින් සිටි යුද හමුදා සෙබළෙකු පලෙයි පොලිසිය විසින් අත්අඩංගුවට ගෙන තිබෙනවා.
අය්යකච්චි පිහිටි පලමුවන යාන්ත්‍රීක බලඇණි හමුදා කඳවුරට අනුයුක්තව සේවය කරන අඹන්පොළ ප්‍රදේශයේ පදිංචි විසි නව හැවිරිදි යුධ හමුදා සෙබළකු මෙලෙස අත්අඩංගුවට ගෙන ඇති බව පොලීසිය පවසනවා.
මෙම සෙබලා ටී 56 වර්ගයේ ගිනි අවියක් සහ එයට යොදන උණ්ඩ එකසිය විස්සක් ද රැගෙන පළා ගොස් තිබෙන බව පොලිසියට වාර්තා වීමෙන් අනතුරුව පොලිස් නිලධාරීන් ක්‍රියාත්මක වී දුම්රියෙන් ගමන් කරමින් සිටි සැකකාර සෙබළා අරවියර් නගර්හිදී අත්අඩංගුවට ගෙන ඇති බව වාර්තා වෙනවා.
අත්අඩංගුවට ගත්යුධ හමුදා සෙබළාගේ බිරිඳ වෙනත් අයෙකු සමග සම්බන්ධතාවයක් පවත්වා ඇති අතර ඔහුව ඝාතනය කිරීමට මෙලෙස ගිනි අවිය රැගෙන පලාගොස් ඇති බව පොලීසිය පවසනවා.
අත්අඩංගුවට ගත් යුධ හමුදා සෙබලා අද දින අධිකරණයට ඉදිරිපත් කිරීමට නියමිත බව වාර්තා වෙනවා.
මොහු යුද හමුදා බුද්ධි අංශය විසින් අත්අඩංගුවට ගෙන පොලිසියට භාර දි ඇත. මුලින් පළෙයි පොලිසිය පැමිණිල්ල භාර ගැනීමටද නොහැකි බව ප්රකාශ කර ඇත.