ගනුදෙනුකරුවන්ට පරුෂ වචනයෙන් බැනවදිමින් අශෝභන ලෙස හැසිරුණු බවට චෝදනා එල්ල වූ අකුරැස්ස සමෘද්ධි බැංකුවේ කළමනාකාරිනිය ඇතුළු එහි නිලධාරීන්ගෙන් අඩුපාඩුවක් සිදුව ඇතැයි සිදුකළ විමර්ශනයේදී අනාවරණය වූ බව සමෘද්ධි සංවර්ධන දෙපාර්තමේන්තුව පවසනවා.
ඒ අනුව අකුරැස්ස සමෘද්ධි බැංකුවේ නිලධාරීන් පිළිබඳ පරීක්ෂණයක් පවත්වා වැරදිකරුවන්ට එරෙහිව විනයානුකූලව පියවර ගන්නා බවයි සමෘද්ධි අධ්‍යක්ෂ ජනරාල් බන්දුල තිලකසිරි මහතා කියා සිටියේ.
මෙම සිදුවීම පිළිබඳ සොයාබැලීමට සමෘද්ධි සංවර්ධන දෙපාර්තමේන්තුවෙන් ගිය විමර්ශන කණ්ඩායමේ වාර්තාව ඊයේ තමන්ට ලැබුණු බවයි අධ්‍යක්ෂ ජනාරාල්වරයා සඳහන් කළේ. එහි ඇතුළත් නිර්දේශ පිළිබඳව අවධානය යොමු කර ඉදිරියේදී මෙවැනි සිදුවීම් ඇති නොවීමට පියවර ගන්නා බවද ඔහු කියා සිටියා.
මේ අතර, සමාජ මාධ්‍ය ඔස්සේ ප්‍රචාරය වූ වීඩියෝව කොටස් එකතු කර සකස් කර ඇතැයි විමර්ශන කණ්ඩායමට දැන ගැනීමට ලැබී තිබෙන බවද බන්දුල තිලකසිරි මහතා සඳහන් කළා.
අකුරැස්ස සමෘද්ධි බැංකුවේ දින තුනකදී වීඩියෝගත කළ දර්ශන එකතු කර තනි වීඩියෝවක් ලෙස සකසා එය මාධ්‍ය වෙත මුදාහැර ඇති බවයි අධ්‍යක්ෂ ජනරාල්වරයා තවදුරටත් කියා සිටියේ.
අදාල වීඩියෝව පහතින්,
