කොළඹ කුරුඳුවත්ත නිදහස් වටරවුමේ රථවාහන හැසිරීමේ රාජකාරියේ නිරතව සිටිය දී අධික වේගයෙන් ධාවනය වූ කාර් රථයක ගැටීමෙන් බරපතළ තුවාල ලබා කොළඹ ජාතික රෝහලේ ප්‍රතිකාර ලබමින් සිටී පොලිස් කොස්තාපල්වරයා අද (6) අලුයම මිය ගොස් තිබෙනවා.
මෙසේ මියගොස් ඇත්තේ කුරුඳුවත්ත පොලීසියේ රථවාහන අංශයේ රාජකාරි කළ, මනෝජ් ප්‍රියංකර නැමති පොලිස් කොස්තාපල්වරයායි.
අනතුර සිදු කරන ලද තැනැත්තා, කුරුඳුවත්ත පොලිසිය විසින් එම අනතුර සිදුවූ අවස්ථාවේ එම සැකපිට අත්අඩංගුවට ගෙන තිබෙනවා.
අනතුර සිදු කරන ලද තරුණයා වයස අවුරුදු 28ක් වන තොරතුරු තාක්ෂණ ඉංජිනේරුවකු වන අතර ඔහුගේ පියා පොලිස් රෝහලේ සේවය කළ වෛද්‍යවරයකු බවත් මව ද වෛද්‍යවරියක බවයි පැවසෙන්නේ.
