තමන්ට අපහසා කළ බව පවසා ශ්රී ලංකා ක්රිකට් ආයතනයේ සභාපති ෂම්මි ද සිල්වා විසින් ශ්රී ලංකා හිටපු ක්රිකට් නායක මෙන්ම හිටපු කැබිනට් අමාත්ය අර්ජුණ රණතුංගට එරෙහිව කොළඹ දිසා අධිකරණයේ ගොනු කරන ලද රුපියල් බිලියන 06ක අපහාස වන්දිය සහ අර්ජුන රණතුංගට එරෙහි අතුරු තහනම් නියෝගය ලබා දීමට අදාල නඩුව කොළඹ දිසා විනිසුරු සඳුන් විතානගේ විසින් පසුගිය (23) නිශ්ප්රභා කළේය.
මෙම නඩුව සඳහා ෂම්මි සිල්වා වෙනුවෙන් පෙනී සිටියේ මේ රටේ කීර්තිමත්ම නීතිඥ කණ්ඩායමකි.
නීතිඥ සංජේ ෆොන්සේකා, නීතිඥ පසිඳු බණ්ඩාර, ජනාධිපති නීතිඥ කුවේර ද සොයිසා, ජනාධිපති නීතිඥ ආචාර්ය රොමේෂ් ද සිල්වාගෙන් සමන්විත නීතිඥ මණ්ඩලයක් පැමිණිලිකාර ෂම්මි සිල්වා වෙනුවෙන් පෙනී සිටියේය.
අර්ජුන රණතුංග වෙනුවෙන් පෙනී සිටියේ නීතිඥ නිරෝෂා හේරත්, නීතිඥ අමා කරුණාරත්න, නීතිඥ චතුසලා ජයසිංහ, සහ නීතිඥ ප්රසාද් සිරිමාන්න සමග අධි නීතිඥ අතුළ බණ්ඩාර හේරත්ය.
පසුගිය කාල සීමාව තුළ රුපියල් කෝටි තිහක් පමණ මුදලක් ක්රීඩා ඇමතිට, මාධ්යකරුවන්ට සහ විශේෂ පුද්ගලයින්ට එරෙහි නඩු සඳහා නීතිඥ ගාස්තු ලෙස පමණක් ශ්රී ලංකා ක්රිකට් ආයතනය විසින් ගෙවා ඇති බව වාර්තා විය.
