මොළේ උණ රෝග තත්ත්වය හේතුවෙන් රැඳවියෙකු මිය යාමත් සමග ගාල්ල බන්ධනාගාරයේ නඩු කටයුතු අද (08) සිට සූම් තාක්ෂණය ඔස්සේ සිදු කරන බව බන්ධනාගාර කොමසාරිස්, මාධ්‍ය ප්‍රකාශක ගාමිණි බී. දිසානායක ප්‍රකාශ කළා.
මේ වනවිට සියලු නවක රැඳවියන් අගුණකොළපැලැස්ස බන්ධනාගාරය වෙත යොමු කරන බවයි ඔහු කියා සිටියේ.
ගාල්ල බන්ධනාගාරයේ රැඳවියෙකු පසුගිය 03 වනදා මොළේ උණ රෝග තත්ත්වය හේතුවෙන් මියගිය අතර, ඒ හේතුවෙන් බන්ධනාගාරයේ කටයුතු සීමා කිරීමටයි බන්ධනාගාර දෙපාර්තමේන්තුව පියවර ගත්තේ.
එමෙන්ම මෙම රෝග ලක්ෂණ පෙන්නුම් කළ තවත් රැඳවියන් 08දෙනෙකු කරාපිටිය ශික්ෂණ රෝහලට ඇතුලත් කර තිබෙනවා.
