ඉන්ධන බෙදුම්කරුවන්ගේ මාසික වට්ටම් මුදලින් සියයට 35ක් පරිහරණ ගාස්තුවක් ලෙස අය කර ගැනීමට ලංකා ඛනිජ තෙල් සංස්ථාව තීරණය කර තිබෙනවා.
එය හෙට (04) සිට ක්රියාත්මක කිරීමට පියවර ගෙන ඇති බවයි, සංස්ථා පාලිත බෙදුම්කරුවන්ගේ සංගමය සඳහන් කළේ.
ඊට එරෙහිව දැඩි පියවර ගන්නා බවට ඔවුන් අනතුරු අඟවනවා.
සංස්ථාව විසින් මාසික පරිහරණ ගාස්තුව ලෙස සංස්ථා පාලිත බෙදුම්කරුවන්ගෙන් දැනටමත් වට්ටම් මුදලින් අයකරනු ලබන ප්රතිශතය සියයට 0.25ක්.
සංස්ථාව මඟින් ඔවුන්ගේ සියලුම වියදම් හා ලාභ ප්රතිශතයක් එක් කර බෙදුම්කරුවන් වෙත දෙන ඉන්ධන, ඔවුන් ප්රකාශ කරන මුදලට විකුණා ලබන ඉතා කුඩා ලාභ ප්රතිශතයෙන් තවත් සියයට 2.75ක කොටසක් ලබාගැනීමට උත්සාහ කිරීම හෙළා දකින බවයි එම සංගමය සඳහන් කළේ.
