සුලෝහිත සංග්‍රාමයට අදාළව 47 වන ආනන්ද – නාලන්ද එක්දින ක්‍රිකට් තරගය කඩුලු 5කින් ජයගැනීමට ආනන්ද විද්‍යාලය කණ්ඩායම සමත් විය.
එහිදී ප්‍රථමයෙන් පන්දුවට පහරදුන් නාලන්ද විද්‍යාලය පන්දුවාර 50 අවසානයේ කඩුලු 8ක් දැවී ලකුණු 228ක් රැස්කරගත්තේය.
පිළිතුරු ඉනිම ක්‍රීඩා කළ ආනන්ද විද්‍යාල කණ්ඩායම පන්දුවාර 43යි එක් පන්දුවකදී කඩුලු 5ක් පමණක් දැවී ලකුණු 229ක් රැස්කරගනිමින් තරගයේ ජය හිමි කරගත්තේය.
ආනන්ද විද්‍යාලයීය කණ්ඩායම වෙනුවෙන් නොදැවී ලකුණු 70ක් රැස්කළ දිනද අතලගේ තරගයේ වීරයා සම්මානයෙන් පිදුම් ලැබුවා.
