හැටන් වතු යායේ තරුණ පිරිසක් එක්ව වැඩිම මත්පැන් ප්‍රමාණයක් පානය කරන පුද්ගලයා තේරීමේ තරඟයක් පවත්වා ඇති අතර එම තරගයට සහභාගී වූ පුද්ගලයෙකු ඊට පසු දින නිදියහනේදීම ජීවිතක්ෂයට පත්ව තිබෙනවා.
මත්පැන් බෝතල් තුනක් තරගකරුවන් තුන් දෙනෙකු අතරේ ලබා දී ඇති අතර අඩුම කාලයක් තුලදී අදාල මත්පැන් බෝතලය පානය කරන ලද පුද්ගලයා ජයග්‍රාහකයා ලෙසද තෝරා පත් කර ගැනීමටයි තරුණ පිරිස මෙම තරගයේදී කටයුතු සූදානම් කර තිබුනේ.
පසුගිය 27 වැනි දින අදාල උත්සවය පවත්වා ඇති අතර එම තරගයට එම වතු යායේ පුද්ගලයන් තිදෙනෙකු ඉදිරිපත්ව ඇති අතර මිය ගිය පුද්ගලයා අදාල තරගයෙන් ජයග්‍රහණයද කර තිබෙනවා.
අදාල තරගකරු තරගය නිමවා නිවසට පැමිණ රාත්‍රි ආහාර ගෙන නින්දට ගිය පසු ඊට පසුදින අළුයම නින්දේදීම ජීවිතක්ෂයට පත්ව තිබෙන බවයි වාර්තා වෙන්නේ.
එමෙන්ම තරගයට ඉදිරිපත් වූ තවත් අයෙක් අධික ලෙස රෝගාතුර වී දික්ඔය මූලික රෝහලට ඇතුලත් කර ඇතැයිද සඳහන්.
නිව්මෝනියා උණ රෝගය වැලඳි තිබීම සහ ගෙල නහරයේ ආහාර සිරවීම බවයි මියගිය පුද්ගලයාගේ මරණ පරීක්ෂණයේදී අනාවරණය වී ඇත්තේ.
