දිවයින පුරා සිටින පොලිස් නිලධාරීන් 9000 කට වැඩි සංඛ්‍යාවක් හෙට(01) දින මැයි පෙළපාලි සහ මැයි දින රැළි වෙනුවෙන් යොදවන බව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව පවසනවා.
ලෝක කම්කරු දිනය නිමිත්තෙන් දිවයින පුරා මැයි රැළි 40ක් පැවැත්වෙන අතර කොළඹ ප්‍රදේශයේ මැයි රැළි 14ක් පැවැත්වෙන බවද නියෝජ්‍ය පොලිස්පතිවරයා සඳහන් කරනවා.
කොළඹ ප්‍රදේශයේ පැවැත්වෙන මැයි දින සැමරුම් ආරක්ෂක රාජකාරි සඳහා පොලිස් නිලධාරීන් 2100ක පමණ ප්‍රමාණයක් හා රථ වාහන රාජකාරි සඳහා නිලධාරීන් 1300ක ප්‍රමාණයක් රාජකාරි සඳහා යොදවන බව පොලිස් මාධ්‍ය ප්‍රකාශකවරයා වැඩිදුරටත් පැවසුවා.
