බෝම්බ බියක් හේතුවෙන් දිල්ලි ඉන්දිරා ගාන්ධි ජාත්‍යන්තර ගුවන් තොටුපලෙන් පියාසර කිරීමට තිබූ ගුවන් යානයක් හදිසි පරීක්ෂාවකට ලක්කර තිබෙනවා.
විදෙස් මාධ්‍ය ප්‍රකාශ කළේ අදාළ ගුවන් යානය එරට වේලාවෙන් අද (28) අලුයම 05ට පමණ පිටත්ව යාමට නියමිතව තිබූ අතර ඇතිවූ බෝම්බ බිය හේතුවෙන් ගුවන් යානය ගුවන් ගතවීමට මිනිත්තු කිහිපයකට පෙර ධාවන පථයේ නතර කර මෙලෙස පරීක්ෂාවට ලක්කර ඇති බවයි.
මෙලෙස පරීක්ෂාවට ලක්කර ඇත්තේ දිල්ලි ඉන්දිරා ගාන්ධි ජාත්‍යන්තර ගුවන් තොටුපලේ සිට වරනාසි බලා පිටත්ව යාමට තිබූ ගුවන් යානයක්.
කෙසේවෙතත් සැකකටයුතු කිසිදු දෙයක් සොයාගැනීමට ආරක්ෂක නිලධාරීන්ට මෙතෙක් හැකියාවක් ලැබී නොමැති බවයි වාර්තා වන්නේ.
