හිරු මාධ්‍ය ජාලය, මැතිවරණ කොමිසම මඟින් නිකුත් කරන ලද මාධ්‍ය උපමානවලට පටහැනිව විවිධ වැඩසටහන් විකාශය කර ඇති අතර ඒ හරහා මැතිවරණ නීති උල්ලංඝණය කිරීම් රැසක් සිදුවී ඇති බවට පැමිණිලි ලැබී ඇති බව මැතිවරණ කොමිසම පෙන්වාදෙනවා.
හිරු මාධ්‍ය ජාලය වෙත ලිපියක් නිකුත් කරමින් මැතිවරණ කොමිසම විසින් මේ බව දැනුවත් කර තිබෙනවා.
ඒ අනුව එම ලිපියෙන් පෙන්වාදෙන්නේ, 2024.08.06, 2024.08.07 සහ 2024.08.08 යන දිනයන්හිදී විකාශය වූ “පත්තරේ විස්තරේ වැඩසටහන තුළ අපහාසාඅත්මක අදහස් ප්‍රකාශ කර ඇති බවයි. එමෙන් ම අධිඅරණයේ විභාග වෙමින් පවතින නඩු සඳහන් කරමින් මාධ්‍ය සදාචාරයට නොගැළපෙන හා දැඩි පක්ෂපාතිත්වයෙන් යුතුව එක් අපේක්ෂකයෙක් ප්‍රවර්ධනය වන ආකාරයෙන් අදහස් දක්වා තිබීම, පොදු සංඛ්‍යාත හා පොදු ගුවන් කාලයෙන් තමාට රිසි පක්ෂ ප්‍රවර්ධනය කිරීම හා අනෙකුත් පක්ෂයන්ට අපහාසවන අයුරින් කටයුතු කිරීම ආදිය සිදුකර ඇතිබවට පැමිණිලි ලැබී ඇති බව පෙන්වා දෙනවා.
මැතිවරණ කාලය තුළ සියලු මාධ්‍ය ගුවන් කාලය භවිත කළ යුතු ආකාරය පෙන්වා දී ඇති අතර නිදහස් හා සාධාරණ ඡන්ද විමසීමක් සඳහා සහය දක්වන ලෙස මැතිවරණ කොමිසම, හිරු මාධ්‍ය ජාලය වෙත දැනුම් දී තිබෙනවා.
මැතිවරණ කොමසමේ නියෝග සහ අවවාද කිරීම් නොතකා අද දිනයේ ද (15/08/2024) හිරු පත්තරේ විස්තරේ වැඩසටහනින් චමුදිත තම ඒක පාක්ශික තකතීරු විචාරය අවිචාරවත් ලෙස කලබව දන්වමු. මැතිවරණ කොමිසමේ ඉදිරි පියවර කුමක්ද ? මේ අශීලාචාර පුද්ගලයා වහාම නීතිය ඉදිරියට ගෙන ඒමට කටයුතු කරන්න .