ලොහාන්ගේ බිරිඳත් බන්ධනාගාරගත කිරීමට අධිකරණ නියෝග !

හිටපු රාජ්‍ය අමාත්‍ය ලොහාන් රත්වත්තේ මහතාගේ බිරිඳ ලබන 07 වැනිදා තෙක් රක්ෂිත බන්ධනාගාර ගත කර තිබෙනවා.

ඒ, අද (04) නුගේගොඩ මහේස්ත්‍රාත් අධිකරණය ලබාදුන් තීන්දුවකට නියෝගය අනුවයි.

මිරිහාන ප්‍රදේශයේ පිහිටි ඇයගේ නිවසේ නවතා තිබූ නීති විරෝධී ලෙස එකලස් කරන ලද මෝටර් රථය සම්බන්ධයෙන් සිදුකෙරෙන විමර්ශනවලට අදාළව ඇයට අධිකරණයේ පෙනී සිටින ලෙස වට්ස්ඇප් මාර්ගයෙන් නොතීසි නිකුත් කර තිබුණා.

ඒ අනුව ඇය අද අධිකරණය හමුවේ පෙනී සිටි අතර එහිදී නුගේගොඩ මහේස්ත්‍රාත්වරයා නියෝග කර ඇත්තේ ඇය ලබන 07 වැනිදා දක්වා රක්ෂිත බන්ධනාගාර ගතකරන ලෙසයි.