හිනිදුම පනංගල මහාබෝධිවත්ත ප්‍රදේශයේ අවන්හලක් තුළදි ඊයේ (30) රාත්‍රියේ සිදුවු වෙඩි තැබිමකින් තිදෙනෙකු මියගොස් ඇති බැව් හිනිදුම පොලිසිය පවසයි.
මෙම අවන්හල පවත්වාගෙන යන පුද්ගලයා තවත් සිව් දෙනෙකු සමග අවන්හල තුළ මත්පැන් පානය කරමින් සිටියදි යතුරුපැදියකින් පැමිණි දෙදෙනෙකු විසින් ටි 56 ගිනි අවියකින් වෙඩි ප්‍රහාරයක් එල්ලකොට ඇති බැව් පොලිසිය කියයි.
එහි සිටි දෙදෙනෙකු වෙඩි ප්‍රහාරයත් සමග දිවගොස් ඇති අතර අනික් තිදෙනාට වෙඩි වැදි එම ස්ථානයේම මියගොස් සිටි බව පොලිසිය පවසයි.
මියගොස් ඇත්තේ වයස අවුරුදු 54, 29 හා 34 වැනිවියේ පසුවන හිනිදුම පනංගල හා අම්බලන්ගොඩ ප්‍රදේශයේ පදිංචිකරුවෙති. මින් දෙදෙනෙකු විවාහකයින්ය .
පොලිස් තොරතුරු අනුව සිද්ධිය වු ස්ථානයේ තිබි හිස් උණ්ඩ කොපු 14ක් පමණ සොයාගෙන තිබේ. මුදල් ආරවුලක් සම්බන්ධයෙන් මෙම වෙඩි තැබිම සිදුකොට ඇති බවට පොලිසිය සැකකරයි.
මියගිය තිදෙනාගේ මහේස්ත්‍රාත් පරික්ෂණය අද (31) සිද්ධිය වු ස්ථානයේ දී පැවැත්විමට නියමිතව තිබුණි. හිනිදුම පොලිසිය පරික්ෂණ පවත්වයි.
