අද උදෑසන ඉන්දියාවේ දිල්ලි නගරය ආසන්නයේ භූ කම්පනයක් හට ගෙන ඇතැයි විදෙස් මාධ්‍යය වාර්තා කරයි.
එම භූ කම්පනය රික්ටර් මාපක 4.0ක් ලෙස සටහන්ව ඇති අතර දිල්ලියේ සමහර ප්‍රදේශවලට එය බලපා ඇති බව එරට භූ කම්පන විද්‍යා ජාතික මධ්‍යස්ථානය පවසයි.
පොළොව මට්ටමට කිලෝමීටර 5 ක් පමණ ගැඹුරින් මෙය හට ගෙන ඇති බවත්, මෙම භූ කම්පනයත් සමඟ ඒ අවට විශාල ශබ්දයක් ඇසුණු බවත් ඉන්දීය මාධ්‍ය වාර්තා කර ඇත.
මේ සම්බන්ධයෙන් X පණිවුඩයන් නිකුත් කරමින් ඉන්දීය අගමැති නරේන්ද්‍ර මෝදි දිල්ලි සහ ඒ අවට ප්‍රදේශවල පදිංචිකරුවන්ගෙන් ඉල්ලා ඇත්තේ සන්සුන්ව සහ ආරක්ෂක පියවරයන් අනුගමනය කරන ලෙසයි.
Tremors were felt in Delhi and nearby areas. Urging everyone to stay calm and follow safety precautions, staying alert for possible aftershocks. Authorities are keeping a close watch on the situation.
— Narendra Modi (@narendramodi) February 17, 2025
