බීමතින් රජයේ පාසලකට බලහත්කාරයෙන් ඇතුළු වී ශිෂ්‍යාවන් ඉදිරිපිට අශෝභන ලෙස හැසිරුණායැයි පොලිස් කොස්තාපල්වරයකු ඊයේ මල්ලාවි පොලිසිය විසින් අත්අඩංගුවට ගෙන ඇත.
අත්අඩංගුවට ගත් නිලධාරියා මුලතිව් දිස්ත්‍රික්කයේ මල්ලාවි පොලිස් ස්ථානයට අනුයුක්තව සේවය කළ කොස්තාපල්වරයෙක් බවයි වාර්තා වන්නේ.
ශිෂ්‍යාවන් පිරිසකට හිරිහැර කරන බවට ලැබුණු පැමිණිල්ලක් මත මල්ලාවි පොලිසිය පොලිස් කොස්තාපල්වරයා අත්අඩංගුවට ගෙන ඇත.
අත්අඩංගුවට ගත් පොලිස් කොස්තාපල්වරයා පරීක්ෂණයක් සඳහා අධිකරණ වෛද්‍ය නිලධාරියකු වෙත භාරදී ඇති අතර, පසුව ඔහු බීමතින් සිටි බව අනාවරණය වී ඇත.
රාජකාරියේ යෙදී සිටියදී බීමතින් සිටීම, බීමතින් පාසලකට බලහත්කාරයෙන් ඇතුළුවීම සහ සිසුන්ට හිරිහැර කිරීම යන චෝදනා මත පොලිස් කොස්තාපල්වරයා අත්අඩංගුවට ගෙන ඇති අතර මෙම සිද්ධිය පිලිබඳව පොලිස් විමර්ෂණ සිදුකෙරෙන බව වාර්තා වේ.
එම සිද්ධිය පිලිබඳ සමාජ මාධ්‍ය වල සංසරණය වන විඩියෝව පහතින්,
