කොළඹ ආනන්ද – නාලන්දා විද්‍යාල අතර පැවැත්වෙන 95 වැනි සුලෝහිත සංග්‍රාමය මහා ක්‍රිකට් තරගය පෙබරවාරි මස 28 වැනිදා සහ මාර්තු 1, 2 දිනවලදී කොළඹ SSC ක්‍රීඩාංගණයේදී පැවැත්වීමට නියමිතයි.
සුලෝහිත සංග්‍රාමය නැරඹීම සඳහා ආදි ආනන්දීයන් සහ ආදි නාලන්දීයන් රැගත් ගුවන් යානා 6ක් ලන්ඩන් සහ මෙල්බර්න් සිට මෙරට ළඟාවීමට නියමිත අතර එහි පළමු ගුවන් යානා දෙක මේවන විට දිවයිනට පැමිණ තිබෙනවා.
මෙල්බර්න් සිට මෙරටට පැමිණි ගුවන් යානයේ නියමුවන් ලෙස කටයුතු කළේ ආදි නාලන්දීයෙකු වන කපිතාන් නාමල් ප්‍රනාන්දු සහ ආදි ආනන්දියෙකුවන හර්ෂ විජේවර්ධනයි.
මේ අතර සුලෝහිත සංග්‍රාමයට සමගාමීව දෙවිදුහලේ රථ පෙළපාලිය ද පසුගියදා කොළඹදී පැවැත්වුණා.
