රාත්රී කාලයේ ධාවනය වන දුම්රියන්හි වන අලින් ගැටීම වැළැක්වීම සඳහා දුම්රිය ධාවන කාලසටහන සංශෝධනය කිරීමට දුම්රිය දෙපාර්තමේන්තුව කටයුතු කර ඇති බව වාර්තා වේ.
එම දෙපාර්තමේන්තුව ප්රකාශ කළේ, දුම්රියන්හි වන අලින් ගැටීම වැළැක්වීම සඳහා අමතර වේග සීමා ක්රියාත්මක කිරීම සහ දුම්රිය කාලසටහන් සංශෝධනය කළ බවයි.
ඒ අනුව, මඩකලපුව මාර්ගයේ පලු ගස්වැව සිට හිඟුරක්ගොඩ දක්වා සහ වැලිකන්ද සිට පුනානි දක්වා ද ත්රිකුණාමලය මාර්ගයේ ගල්ඔය හන්දිය සිට කන්තලේ දක්වා ප්රදේශය ආවරණය වන පරිදි මෙම දුම්රිය කාලසටහන් සංශෝධනය සිදුකර ඇත.
දුම්රිය දෙපාර්තමේන්තුව සඳහන් කළේ, මෙම කාලසටහන මාර්තු 7 වන දා සිට ක්රියාත්මක කරන බවයි.
තව ද, මීට සමගාමීව එදින සිට කොළඹ කොටුව සහ මඩකලපුව අතර ධාවනය වන ‘මිනගයා’ නගරාන්තර රාත්රී තැපැල් දුම්රිය සදහා s-13 වර්ගයේ බලවේග කට්ටලයක් ධාවනයට යෙදවීම සදහා ද සැලසුම් කර ඇත.
මාර්තු 7 වන දා සිට ඉදිරි දිනයන් සඳහා කලින් ආසන වෙන් කිරීම් සිදුකරන ලද මගීන් හට නියමිත පරිදි කල්වේලා ඇතිව අදාළ දුම්රියන් සඳහා පැමිණීමට කටයුතු කරන ලෙස දුම්රිය දෙපාර්තමේන්තුව දැනුම් දී ඇත.
එම සංශෝධිත කාලසටහන පහතින් දැක්වේ.
