නුවරඑලිය පීඩ්රූ වතුයායට බලහත්කාරයෙන් ඇතුළු වී එහි පාලන අධිකාරියට තර්ජනය කලේ යැයි කියන සිද්ධියක් සම්බන්ධයෙන් නුවරඑළිය මහේස්ත්‍රාත් අධිකරනය මගින් නිකුත් කර තිබු නොතිසි අනුව අද (03) දින අධිකරණය වෙත ඉදිරිපත් වු ලංකා කම්කරු කොංග්‍රසයේ මහ ලේකම් සහ නුවරඑලිය දිස්ත්‍රික් පා.ම. ජීවන් තොණ්ඩමන් ඇතුළු එම පක්ෂයේ ආධාර කරුවන් 9 දෙනෙකු රු.පනස්දහස බැගින් වු පුද්ගල ඇප දෙකක් මත මුදාහැර යලිත් මෙම නඩුව ජූනි මස 09 වන දින කැදවීමට නුවරඑළිය මහේස්ත්‍රාත් ලංකාංගනි ප්‍රබුද්ධිකා අද(03) දින නියෝග කර ඇත.
සැකකරුවන් ඉකුත් වසරේ නුවරඑලිය පීඩ්රූ වතුයායට පිවිස එම වතුයායේ වතු අධිකාරිවරයා ඇතුළු පාලන අධිකාරි නිළධාරින් කිහිප දෙනෙකු තේ කර්මාන්ත ශාලාව තුල රදවාගෙන එම තේ කර්මාන්තශාලාවේ සේවකයින් පලවා හැර ඇති බව පවසමින් එම වතුයාය අයත් වතු සමාගම විසින් නුවරඑලිය පොලිසියට කරන ලද පැමිණිල්ලක් මත නුවරඑලිය පොලිසිය මගින් සැකකරුවන්ට එරෙහිව අධිකරණය හමුවේ කරණු වාර්ථා කර තිබුණි.
