අනුරාධපුර ශික්ෂණ රෝහලේ වෛද්‍යවරියකට මුහුණපෑමට සිදුවු සිද්ධියට විරෝධය පා රජයේ වෛද්‍ය නිලධාරීන්ගේ සංගමය වෛද්‍ය වර්ජනයක් දියත් කරන බවට නිවේදනය කරයි.
ඒ අනුව හෙට (12) පස්වරු 08 සිට පැය 24 ක කාලයක් අදාළ වර්ජනය ක්‍රියාත්මක වන බවත්, ඒ හේතුවෙන් බාහිර රෝගී අංශ ප්‍රතිකාර කටයුතු හා සායනික කටයුතු කිසිවක් හෙට දිනයේ සිදුනොවනු ඇති බවත් එම සංගමය පවසයි.
මේ අතර සෞඛ්‍ය අමාත්‍යංශය නිවේදනය කරන්නේ මෙම සිද්ධිය පිළිබඳව කඩිනම් පරීක්ෂණයක් සිදුකර වැරදිකරුවන් නීතිය හමුවට ගෙන ඒමට හැකිවනු ඇතැයි සෞඛ්‍ය අමාත්‍යංශය අපේක්ෂා කරන බවයි.
එතෙක් සන්සුන්ව කටයුතු කරන ලෙසත්, අදාළ පරීක්ෂණ සිදුකරන නිලධාරීන්ට අවශ්‍ය සහයෝගය ලබාදෙන ලෙසත්, සෞඛ්‍ය හා ජනමාධ්‍ය අමාත්‍යංශය සියලු පාර්ශවයන්ගෙන් ඉල්ලා සිටියි.
