මාර්තු 15 වන දා ග්‍රෑන්ඩ්පාස් පොලිස් වසමේ ජබොස්ලෙන් ප්‍රදේශයේ දුම්රිය මාර්ගය අසලදී ආයුධයකින් පහර දී තරුණයින් දෙදෙනෙකු ඝාතනය කිරීමේ සිද්ධිය සම්බන්ධයෙන් සැකකරුවන් අට දෙනෙකු අත්අඩංගුවට ගෙන ඇති බව වාර්තා වේ.
අත්අඩංගුවට ගෙන ඇත්තේ, වයස අවුරුදු 16ත් 44 ත් අතර වයස්වල පසුවන වැල්ලම්පිටිය ප්‍රදේශයේ පදිංචිකරුවන් බවයි තොරතුරු වාර්තා වන්නේ.
පොලිසිය සඳහන් කළේ, මෙම සැකකරුවන් අට දෙනා ඊයේ (මාර්තු 16) රාත්‍රී කාලයේදී වැල්ලම්පිටිය ප්‍රදේශයේදී අත්අඩංගුවට ගෙන ඇති බවයි.
සැකකරුවන් සන්තකයේ තිබී අපරාධයට යොදා ගත් බවට සැක කරන මන්නා පිහි දෙකක් හා ජංගම දුරකතනයක් පොලිස් භාරයට ගෙන ඇති බව පොලිසිය ප්‍රකාශ කළේ ය.
ග්‍රෑන්ඩ්පාස් පොලීසිය මේ පිළිබඳව වැඩිදුර විමර්ශන සිදුකරයි.
