අපරාධ පරීක්ෂණ කණ්ඩායම් 06 ක් මේ වන විට හිටපු පොලිස්පති දේශබන්දු තෙන්නකෝන් අත්අඩංගුවට ගැනීමට කටයුතු කරමින් සිටින බව සෞඛ්‍ය සහ ජනමාධ්‍ය අමාත්‍ය නලින්ද ජයතිස්ස පවසයි.
අද කැබිනට් තීරණ දැනුම්දීමේ ප්‍රවෘත්ති සාකච්ඡාවට සහභාගි වෙමින් ඔහු මේ බව පැවසීය.
අමාත්‍යවරයා මෙහිදී පවසා සිටියේ, නීතිය කාටත් සමාන ලෙස ක්‍රියාත්මක කරන අතර හිටපු පොලිස්පති දේශබන්දු තෙන්නකෝන්ට ද නීතිය ක්‍රියාත්මක කරන බවයි.
ඉශාරා සෙව්වන්දී සම්බන්ධ සිදුවීම්, අනුරාධපුර වෛද්‍යවරිය ලිංගික හිංසනයට ලක්වීමේ සිදුවීමේ අවස්ථාවේ නීතිය ක්‍රියාත්මක කළ ආකාරයටද දේශබන්දු තෙන්නකෝන්ටද සැඟවීමට උදව් කරන පිරිස්ද අත්අඩංගුවට ගන්නා බවද ඔහු සඳහන් කලේය.
අමාත්‍යවරයා වැඩිදුරටත් පවසා සිටියේ, පොලිසිය නොදන්න තොරතුරු මහ ජනතාව දන්නවා නම් ඉදිරිපත් කරන ලෙසයි.
