ඉන්ස්ටග්‍රෑම් හරහා සංවිධානය කරමින් ඊයේ රාත්‍රියේ පමුණුගම උස්වැටකෙයියාව ප්‍රදේශයේ හෝටලයක පැවැත් වූ සාදයක් පොලිසිය විසින් වටළා ඇති අතර එහිදී මත්ද්‍රව්‍ය භාවිතය සම්බන්ධයෙන් තරුණ පිරිසක් අත්අඩංගුවට ගෙන ඇත.
පොලිසියට අනුව, සාදය අතරතුර අමුත්තන් අයිස් වැනි මත්ද්‍රව්‍ය භාවිත කරන බවට තොරතුරු ලැබීමෙන් පසු පමුණුගම පොලිසිය සාදය වටළා ඇත.
වැටළීමේදී, තරුණයන් කිහිපදෙනෙකු අයිස් සහ ගංජා පානය කරන බව සොයාගෙන ඇති අතර, පසුව පොලිසිය මත්ද්‍රව්‍ය ළඟ තබාගෙන සිටි තරුණයන් 16 දෙනෙකු එහිදී අත්අඩංගුවට ගෙන ඇත.
සාදයට සහභාගී වූ කාන්තාවන් හත්දෙනෙකු සහ පිරිමින් 34 දෙනෙකු ද සැකපිට පොලිස් භාරයට ගෙන ඇති අතර හෝටලයේ හිමිකරු ද අයිස් ග්‍රෑම් 3.2 ක් සමඟ අත්අඩංගුවට ගත් බව පොලිසිය පවසයි.
අත්අඩංගුවට ගත් සැකකරුවන් වයස අවුරුදු 18-35 අතර වන අතර කොළඹ විවිධ ප්‍රදේශවල පදිංචිකරුවන් වේ.
සිද්ධිය සම්බන්ධයෙන් පමුණුගම පොලිසිය පරීක්ෂණ පවත්වයි.
