තරුණ සේවා සභාවේ පසුගිය සමයේ සිදුවූ වංචා හා දූෂණ පිළිබඳව කෝප් කමිටුවේදී හෙළිවූ කරුණුවලට අනුව එම වාර්තා පාර්ලිමේන්තුවට ඉදිරිපත් කිරීමෙන් අනතුරුව නීතිමය ක්‍රියාමාර්ග ගැනීමට නීතිපතිවරයාට අදාළ වාර්තා යොමු කිරීමට කෝප් කමිටුව තීරණය කර ඇති බව වාර්තා වේ.
ඊට අමතරව හිටපු ඇමතිවරයා සම්බන්ධයෙන් ද එල්ල වී ඇති චෝදනා පිළිබඳ කෝප් කමිටු වාර්තාව පාර්ලිමේන්තුවට ඉදිරිපත් කිරීමට නියමිතව ඇති බවයි වාර්තා වන්නේ.
මෙම වාර්තා දෙකම පාර්ලිමේන්තුවට ඉදිරිපත් කිරීමෙන් අනතුරුව චෝදනාවලට ලක්වූවන්ට නඩු දැමීමට නීතිපතිවරයාට අදාළ වාර්තාව යොමුකරන බව කෝප් කමිටු සාමාජික මන්ත්‍රි අසිත නිරෝෂණ පවසා ඇත.
පසුගියදා ජාතික තරුණ සේවා සභාවේ නිලධාරීන් ගෙන්වා කරන ලද ප්‍රශ්න කිරීම්වලදී රනිල් වික්‍රමසිංහ රජය එම ආයතනයේ මුදල් අවභාවිත කිරීම පිළිබඳ සිද්ධි රැසක් හෙළිවූ බවද ඒ අනුව ඊට සම්බන්ධ නිලධාරීන්ගේ වැඩ තහනම් කර ඔවුන් පිළිබඳ දීර්ඝව පරීක්ෂණ කිරීමට වර්තමාන තරුණ කටයුතු අමාත්‍යාංශයේ ලේකම්‍වරයාට උපදෙස් දුන් බවද අසිත නිරෝෂණ මන්ත්‍රිවරයා එහිදි පවසා ඇත.
තරුණ සේවා සභාවේ සිදුවූ දූෂණ පිළිබඳ චෝදනාකරුවන්ට නියත වශයෙන්ම නීතිපතිවරයා හරහා නඩු දමන බවත්, මේ සතියේදී ඖෂධ නියාමන අධිකාරියේ නිලධාරීන් කෝප් කමිටුවට ගෙන්වන බවත් අසිත නිරෝෂණ මන්ත්‍රිවරයා වැඩිදුරටත් පවසා ඇත.
