පාස්කු ප්‍රහාරය සම්බන්ධ විමර්ශනවලට අදාළව රාජ්‍ය බුද්ධි සේවයට අනියුක්ත පොලිස් කොස්තාපල්වරයෙක් අත්අඩංගුවට ගෙන ඇති බව වාර්තා වේ.
අපරාධ පරීක්ෂණ දෙපාර්තමේන්තුව විසින් මෙම අත්අඩංගුවට ගැනිම සිදු කර ඇත.
2018 වසරේ නොවැම්බර් මාසයේදී මඩකලපුව – වව්නිතව් ප්‍රදේශයේ පොලිස් නිලධාරීන් දෙදෙනෙක් ඝාතනය වීමේ සිදුවීමට අදාළ විමර්ශන නොමඟ යැවීම සම්බන්ධයෙන් වන චෝදනා හේතුවෙන් මෙම පොලිස් කොස්තාපල්වරයා අත්අඩංගුවට ගෙන ඇති බවයි තොරතුරු වාර්තා වෙන්නේ.
