පොදු දේපළ සාවද්‍ය ලෙස පරිහරණය කළ පුද්ගලයෙකුව අපරාධ පරික්ෂණ දෙපාර්තමේන්තුවේ මූල්‍ය අපරාධ විමර්ශන ඒකකය විසින් අත්අඩංගුවට ගෙන ඇති බව වාර්තා වේ.
මගනැඟුම මාර්ග ඉදි කිරීම් සමාගමට අයත් ස්කැවේටර් යන්ත්‍රයක් යොදා ගෙන ඉඩම් ප්‍රතිසංස්කරණ කොමිෂන් සභාවට අයත් කඩුවෙල කොරතොට මයික්වත්ත නැමති ඉඩමේ කළුගල් ව්‍යාපාරයක් පවත්වාගෙන යාම සම්බන්ධයෙන් මෙම පුද්ගලයා අත්අඩංගුවට ගෙන ඇත.
ලද පැමිණිල්ලක් අනුව අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන ඒකකය මඟින් සිදු කල විමර්ශනයකින් අනතුරව සැකකරු අත්අඩංගුවට ගත් බව පොලීසිය පවසයි.
සැකකරු වයස අවුරුදු 39 ක් වූ මීගමුව ප්‍රදේශයේ පදිංචිකරුවෙක් වන අතර ඔහු අද (30) කොළඹ ප්‍රධාන මහෙස්ත්‍රාත් අංක 01 අධිකරණයට ඉදිරිපත් කිරීමට නියමිතව ඇත.
කෙසේ නමුත් මූල්‍ය අපරාධ විමර්ශන ඒකකය විසින් වැඩිදුර විමර්ශන සිදු කරයි.
