අපයෝජන සිදුවීමකට මුහුණ දීමෙන් අනතුරුව සියදිවි නසාගත් කොටහේන ප්‍රදේශයේ පාසල් දැරිය 10 ශ්‍රේණියේ දී ඉගෙනුම ලැබූ බම්බලපිටිය රාමනාදන් හින්දු විදුහලේ විදුහල්පතිනිය අධ්‍යාපන අමාත්‍යාංශයට මාරු කර ඇති බව වාර්තා වේ.
මේ වන විට එම පාසලේ විදුහල්පති ධුරයේ වැඩ බැලීම සඳහා අමාත්‍යාංශයේ නිලධාරිනියක් පත් කර ඇති බවයි වාර්තා වෙන්නේ.
එමෙන්ම පසුගිය 09 වන දින සිට කොටහේන පාසල් සිසුවිය අපයෝජනයට ලක් කළ බවට චෝදනා එල්ල වන පාසල් ගුරුවරයා පොලිස් බී වාර්තාවක් ලැබීමෙන් පසු අධ්‍යාපන අමාත්‍යාංශය විසින් අනිවාර්ය නිවාඩු යවා ඇත.
රජයේ ප්‍රවෘත්ති දෙපාර්තමේන්තුව නිකුත්කළ නිවේදනයේ දැක්වුණේ, සිද්ධිය සම්බන්ධයෙන් අභ්‍යන්තර පරීක්ෂණයක් පැවැත්වීමට පියවර ගෙන ඇති බවයි.
