කොළඹ රිජ්වේ ආර්යා ළමා රෝහලේ සේවකයෙකුට කිසියම් පුද්ගලයෙකු විසින් අද (20) පෙරවරුවේ තියුණු ආයුධයකින් පහරදී ඇති බව වාර්තා වේ.
පොලිසිය සදහන් කළේ, මත්ද්‍රව්‍යවලට ඇබ්බැහි වූවෙකු වන මොහු රෝහලට පැමිණ සොරකමේ නිරත වූ අවස්ථාවේදී එය දැක පහර කෑමට ලක්වූ සේවකයා ඒ පිළිබදව විමසා ඇති බවයි.
එම අවස්ථාවේ තියුණු ආයුධයකින් රෝහල් සේවකයාට පහර දී සැකකරු පළා ගොස් ඇත.
කෙසේ නමුත් පහර කෑමට ලක්වූ රෝහල් සේවකයාගේ තත්ත්වය බරපතල නොවන බව රෝහල් ආරංචි මාර්ග සදහන් කරයි.
