සබරගමුව විශ්වවිද්‍යාලයේ, තාක්ෂණ ඉංජිනේරු පිඨයේ දෙවන වසරේ සිසුවෙකු මියයෑමේ සිද්ධියට අදාළව අත්අඩංගුවට ගත් එම විශ්ව විද්‍යාලයේ සිසුන් 10 දෙනෙකු ලබන මස 12 වනදා දක්වා යළි රක්ෂිත බන්ධනාගාර ගතකර ඇති බව වාර්තා වේ.
ඒ බලංගොඩ ප්‍රධාන මහේස්ත්‍රාත් භාග්‍යා දිල්රුක්ෂිගේ නියෝගයකට අනුවයි.
එමෙන්ම අද දිනයේදී අත්අඩංගුවට ගත් තවත් සිසුවෙකු ද එදින දක්වා රක්ෂිත බන්ධනාගාර ගත කිරීමට නියෝග කර ඇත.
පසුගිය අප්‍රේල් මස 29 වනදා එම විශ්වවිද්‍යාලයේ චරිත් දිල්ශාන් නැමැති සිසුවෙකු මෙලෙස සියදිවි නසාගෙන තිබූ අතර, විශ්ව විද්‍යාලය තුළ සිදුවූ නවක වද සිද්ධියක් හේතුවෙන් එය සිදුකරගෙන ඇති බවට චෝදනා එල්ල විය.
