කැලණිය ප්‍රදේශයේ ඉඩමක් සම්බන්ධයෙන් කූඨ ලේඛන සකස් කර මුදල් වංචා කිරීමේ චෝදනාවකට අදාළව අත්අඩංගුවට ගෙන රක්ෂිත බන්ධනාගාර ගතකර සිටි හිටපු අමාත්‍ය මර්වින් සිල්වා ඇප මත මුදාහැර ඇති බව වාර්තා වේ.
ඔහුව පසුගිය මාර්තු මාසයේ අපරාධ පරීක්ෂණ දෙපාර්තමේන්තුව විසින් අත්අඩංගුවට ගත්තේය.
මේ අතර නිත්‍යානුකූල ආදායම අබිභවා රුපියල් කෝටි ගණනක දේපළ යාන වාහන සහ බැංකු ගිණුම් පවත්වාගෙන යාම තුළින් අල්ලස් පනත යටතේ වරදක් කළ බවට චෝදනා කරමින් අල්ලස් කොමිසම විසින් හිටපු කම්කරු හා මහජන සම්බන්ධතා අමාත්‍ය මර්වින් සිල්වා අද (06) කොළඹ මහාධිකරණය හමුවේ අධි චෝදනා භාරදී තිබේ.
කොළඹ මහාධිකරණ විනිසුරු ආදිත්‍ය පටබැඳිගේ ඉදිරියේ අල්ලස් කොමිසම විසින් ගොනු කළ මෙම අධිචෝදනා විත්තිකරුට භාරදීම සිදු කර තිබෙන අතර ඉන් අනතුරුව විත්තිකරු ඇප මත මුදා හැරීමට ද අධිකරණය නියම කර තිබෙන බවයි වාර්තා වන්නේ.
