ඉපලෝගම හන්දිය ආසන්නයේ වෑන් රථයක් අනතුරට ලක්වීමෙන් පුද්ගලයෙකු ජීවිතක්ෂයට පත්ව, තවත් 8 දෙනෙකු තුවාල ලබා රෝහල් ගත කර ඇත.
ඉපලෝගම පොලිසිය පැවසුවේ, කල්මුනේ සිට ඉපලෝගම දක්වා ධාවනය වෙමින් තිබු වෑන් රථයක් එහි රියැදුරාට වේගය පාලනය කර ගැනිමට නොහැකිව ඉපලෝගම හන්දිය ආසන්නයේ පිහිටි විහාරස්ථානයක තාප්පයේ ගැටිමෙන් මෙම අනතුර සිදුවූ බවයි.
සිද්ධියෙන් මිය ගොස් ඇත්තේ කාගම පදිංචිව සිටි 48 හැවිරිදි පුද්ගලයෙක් බව වාර්තා වේ.
සිද්ධියෙන් තුවාල ලැබු කාන්තාවන් තිදෙනකු සහ කුඩා දරැවකු හා තවත් පිරිමි පුද්ගලයන් පස් දෙනෙකු අනුරාධපුර ශික්ෂණ රෝහලට ඇතුලත් කොට තිබේ.
