හිටපු අමාත්‍ය කෙහෙළිය රඹුක්වැල්ල, බිරිඳ සහ දියණිය බන්ධනාගාරය වෙත රැගෙන ගොස් ඇති බව වාර්තා වේ.
ඒ, ඇප කොන්දේසී සම්පූර්ණ කිරීමට නොහැකි වීම හේතුවෙන් බවයි සදහන් වන්නේ.
අල්ලස් කොමිසම විසින් අත්අඩංගුවට ගන්නා ලද හිටපු අමාත්‍ය කෙහෙළිය රඹුක්වැල්ල, ඔහුගේ බිරිඳ සහ දියණිය ඇප මත මුදාහරින ලෙස කොළඹ ප්‍රධාන මහෙස්ත්‍රාත් අධිකරණය නියම කලේය.
හිටපු අමාත්‍ය කෙහෙළිය බණ්ඩාර දිසානායක රඹුක්වැල්ල, ඔහුගේ බිරිඳ වන කුසුම් ප්‍රියදර්ශනී ඈපා වී හේන සහ දියණියක වන චන්දුලා රමලි රඹුක්වැල්ල යන අය අල්ලස් හෝ දුෂණ චෝදනා විමර්ශන කොමිෂන් සභාවේ නිලධාරීන් විසින් අද (18) උදෑසන අත්අඩංගුවට ගැනුණි
ඒ මුදල් විශුද්ධිකරණ චෝදනා මත පැවැත්වෙන විමර්ශනයකට අදාළවයි.
