ජනප්‍රිය සංගීත හා ගායන ශිල්පී සේනක බටගොඩ ගායනා කරනු ලැබු අතිශයින් ජනප්‍රිය ගීත 7 ක් වන අපි කවුරුද, අපි සැනසිල්ලේ ( යන්, යන් යන්), අළු යට ගිනි, රස්ථා, හීන වලට පණක් තියනවා, හොඳම දේ, සැනසුම යන ගීත සම්බන්ධයෙන් නිකුත් කර තිබු අතුරු තහනම් නියෝගය ඉවත් කර තිබේ.
පසුගිය 16 වනදා දින නියෝගය ප්‍රකාශ කරමින් ගරු වාණිජ මහාධිකරණ විනිසුරු පමිල රත්නායක විසින් මෙම නියෝගය ලබා දුන් බවයි පැවසෙන්නේ.
දෙපාර්ශවයව විසින් ඉදිරිපත් කරන ලද කරුණු සලකා බැලූ වාණිජ මහාධිකරණ විනිසුරුවරයා විත්තියට එරෙහි වාරණ නියෝගය ඉවත් කරමින් අතුරු තහනම් ඉල්ලීම පිලිබදව පැමිණිලිකරුගේ ඉල්ලීම ප්‍රතික්ෂේප කර ඇත.
සේනක බටගොඩ සහ එතුමාගේ උරුමකරුවන් වෙනුවෙන් නීතීඥ ගෞරි පීරිස් සහ නීතීඥ චන්දන විජේසූරිය පෙනී සිටියේය.
මෙම නඩුව යන අතරතුරදී සේනක බටගොඩ මහතා පසුගිය වසරේ (2024) නොවැම්බර් 11 වන දින දිවියෙන් සමුගැනීම හේතුවෙන් එතුමාගේ බිරිඳ වන මරීනා බටගොඩ සහ දියණිය ගායන ශිල්පිනී සෙරීනා බටගොඩ ඔහුගේ උරුමරුවන් ලෙස ආදේශිත විත්තිකරුවන් වී නඩුවට ඇතුලත් කෙරුණි.
කොළඹ වාණිජ මහාධිකරණයේ සේනකට එරෙහිව මෙම නඩුව පැවරූ අතර පැමිණිල්ලේ කරුණු සලකා බලා රුපියල් ලක්ෂ 5 ක බැඳුම්කරයකට යටත්ව මුල් අවස්ථාවේදී වාරණ නියෝගයක් 2024/04/02 වන දින සිට ගරු අධිකරණය විසින් නිකුත් කලේය.
