අද උදෑසන ඉරානය විසින් එල්ල කර ප්‍රහාරවලින් අවම වශයෙන් ඊශ්‍රායල පුද්ගලයින් තිදෙනෙකු මිය ගොස් ඇති බව විදෙස් මාධ්‍ය වාර්තා කරයි.
මෙම ප්‍රහාරය එල්ල වූයේ එක්සත් ජනපද ජනාධිපති ඩොනල්ඩ් ට්‍රම්ප් ඉරානය සහ ඊශ්‍රායලය “සටන් විරාමයකට” එකඟ වී ඇති බව නිවේදනය කිරීමෙන් පැය කිහිපයකට පසු වීම විශේෂත්වයකි.
එමෙන්ම ඉරාන විදේශ ඇමති ට්විටර් සටහනකින් තම රට කිසිදු සටන් විරාමයකට එකග නොවූ බව පවසා තිබුණි.
කෙසේ නමුත් අද උදෑසන එල්ල වූ ප්‍රහාරයෙන් තවත් අට දෙනෙකු තුවාල ලබා ඇති බවත්, එක් අයෙකු සුන්බුන් අතර සිරවී ඇති බවත්, හදිසි සේවාවලට අනුව ඊශ්‍රායලයේ නේවාසික ගොඩනැගිල්ලකට දැඩි හානි සිදුවී ඇති බවත් විදෙස් මාධ්‍ය පවසයි.
ඉරානය විසින් ඊයේ රාත්‍රියේ කටාර්හි එක්සත් ජනපද හමුදා කඳවුරකට සීමිත මිසයිල ප්‍රහාරයක් දියත් කල අතර ඔවුන් එමගින් පැවසුවේ කටාර් රාජ්‍යයට එල්ල කල ප්‍රහාරයක් නොව එය මැද පෙරදිග ඇමරිකානු කඳවුරුවලට එල්ල කල ප්‍රහාරයක් බවයි.
