මේ වසරේ ජූනි 28 වැනි දිනට පෙර අයිතිය ප්‍රකාශ නොකළහොත් යාපනය කිළිනොච්චිය මන්නාරම ප්‍රදේශයේ ඇති ඉඩම් අක්කර 5941ක් රජයට පවරා ගන්නා බවට ප්‍රකාශයට පත් කර ඇති ගැසට් නිවේදනය ක්‍රියාත්මක කිරීම වළකාලමින් ශ්‍රේෂ්ඨාධිකරණය අතුරු නියෝගයක් අද නිකුත් කර ඇත.
එම අතුරු නියෝගය මේ සම්බන්ධයෙන් ගොනුකොට ඇති පෙත්සම විභාගයට ගෙන අවසන් වන තුරු බල පැවැත්වේ.
මේ ප්‍රදේශයේ පදිංචිකරුවන් පිරිසක් විසින් ගොනුකොට ඇති මෙම මූලික අයිතිවාසිකම් පෙත්සම ශ්‍රේෂ්ඨාධිකරණ විනිසුරුවරුන් වන යසන්ත කෝදාගොඩ සම්පත් අබේකෝන් සහ සම්පත් විජේරත්න යන අයගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ සලකා බැලීණි.
මේ ප්‍රදේශයේ පදිංචි කරුවන් පිරිසක් විසින් ගොනු කොට ඇති මෙම පෙත්සමේ වගඋත්තර කරුවන් වශයෙන් එම ප්‍රදේශවල දිසාපතිවරු ඇතුළු පිරිසක් නම් කර ඇත.
