බංගලාදේශ කණ්ඩායමට එරෙහිව පැවති දෙවන ටෙස්ට් තරගය ඉනිමකින් සහ ලකුණු 78කින් ජයග්‍රහණය කිරීමට ශ්‍රී ලංකා කණ්ඩායම අද සමත් විය.
කොළඹ SSC ක්‍රිකට් ක්‍රීඩාංගනයේ ආරම්භ වූ තරගයේ කාසියේ වාසිය ජයග්‍රහණය කළ බංගලාදේශය පළමුව පන්දුවට පහරදීමට තීරණය කල අතර ඒ අනුව ඔවුන් සිය පළමු ඉනිම සඳහා සියලුදෙනා දැවී රැස් කරගත් ලකුණු සංඛ්‍යාව 247 කි.
අනතුරුව සිය පළමු ඉනිම ක්‍රීඩා කළ ශ්‍රී ලංකාව සියලුදෙනා දැවී ලකුණු 458ක් රැස් කල අතර එහිදි විශිෂ්ඨ ඉනිමක් ක්‍රීඩා කල පැතුම් නිස්සන්ක 158ක් සහ කුසල් මෙන්ඩිස් ලකුණු 84ක් රැස් කිරීමට සමත් විය.
ඒ අනුව ශ්‍රී ලංකා පළමු ඉනිමට වඩා ලකුණු 211ක් පිටුපසින් සිටමින් සිය දෙවන ඉනිම ක්‍රීඩා කළ බංගලාදේශයට සියලුදෙනා දැවී රැස් කර ගැනීමට හැකි වුණේ ලකුණු 133ක් පමණයි.
එහිදි විශිෂ්ඨ පන්දු යැවීමක නිරත වු ප්‍රභාත් ජයසූරිය කඩුලු 5ක් බිඳ හෙලීමට සමත් විය.
