ගාසා තීරයේ මධ්‍යම නගරයේ ඩෙයර් අල්-බාලාහි වෙළඳපොළක පිටි බෙදා හරිමින් සිටි පලස්තීන පොලිසිය ඉලක්ක කර ගනිමින් ඊශ්‍රායලය විසින් එල්ල කරන ලද ප්‍රහාරයකින් 18 දෙනෙකු මිය ගොස් ඇති බව විදෙස් මාධ්‍ය වාර්තා කරයි.
ඇසින් දුටු සාක්ෂිකරුවන් බීබීසී ලෝක සේවය වෙත පවසා තිබුණේ සිවිල් ඇඳුමින් සැරසී සිටි හමාස් ප්‍රමුඛ අභ්‍යන්තර කටයුතු අමාත්‍යාංශය විසින් මෙහෙයවන පොලිස් ඒකකයට අයත් සාමාජිකයින් වෙත ඩ්‍රෝන මඟින් මෙම වෙඩි ප්‍රහාර එල්ල කර ඇති බවයි.
සොරකම් කරන ලද ආධාර ඉහළ මිලකට අලෙවි කරන කොල්ලකරුවන් සහ වෙළඳුන් ඉලක්ක කර ගැනීමට මෙම පොලිස් ඒකකයට පිහිටුවා ඇත.
ප්‍රහාරවලින් අසල පිහිටි ගබඩාවකින් පිටි ගෝනි ලබා ගැනීමට රැස්ව සිටි සාමාන්‍ය සිවිල් වැසියන් තුවාල ලබා ඇති අතර, මිය ගිය අය අතරට කුඩා දරුවෙකු, පලස්තීන පොලිස් ඒකකයට අයත් සාමාජිකයින් හත් දෙනෙකු මෙන්ම සිවිල් වැසියන් ඇතුළත් වේ.
