රට දෙකඩ කිරීමේ ඉන්දීය උත්සහය වර්තමානයේ ද නොවෙනස්ව අඛණ්ඩව ක්‍රියාත්මක වන බව මහාචාර්ය පූජ්‍ය ඉඳුරාගාරේ ධම්මරතන හිමි පවසයි.
ඒ සඳහා ඉන්දීය රජය විසින් විවිධ උපාය මාර්ග දියත් කරමින් සිටින බව උන්වහන්සේ පවසයි.
කොකාවිල් ප්‍රහාරයේ 35 වන සැමරුමට එක්වෙමින් මහාචාර්ය පූජ්‍ය ඉඳුරාගාරේ ධම්මරතන හිමි මේ බව පවසා ඇත.
“රට දෙකඩ කිරීමේ ඉන්දියානු වුවමනාව අද වෙනකොටවත් දශමස්ථානයක්වත් මෙහාට ඇවිත් නෑ. ඉන්දියාවෙන් ලංකාවට රුපියල් කෝටි 30,000ක ණය සහනයක් දෙන්න යනවා දැන්. ශ්‍රී ලංකාව ඉන්දියාවට ගෙවීමට නියමිතව තිබූ ඩොලර් බිලියන 1.7 නැවත අයකර නොගෙන ණය සහනයක් ලබා දෙන්න යනවා අපේ ලොකු අයියා…. ඩයස්පෝරාව පාවිච්චි කරලා හරි, අහිංසක දෙමළ ජනතාව පාවිච්චි කරලා හරි උපාය උපක්‍රම පාවිච්චි කරලා හරි අපේ රට රටක් හැටියට ආර්ථිකව අස්ථාවර කිරීම හරි භෞමිකව හෝ දේශපාලනිකව හා අවසාන විග්‍රහයේදී 29 වැනි ඉන්දියානු ප්‍රාන්තය හදලා ඊට පස්සේ නැගෙනහිර හා උතුර කඩපු වහාම 30 වැනි ඉන්දියානු ප්‍රාන්තයත් බිහි කරලා අවසන් කිරීමේ අඛණ්ඩ භාර ව්‍යාපෘතියේ එකක් හැටියට තමයි මේක ක්‍රියාත්මක වෙන්නේ.”
