ඇල්ල – වැල්ලවාය මාර්ගයේ දී බස් රථයක් ප්‍රපාතයකට පෙරළී අද (4) රාත්‍රියේ අනතුරක් සිදුව ඇත.
බස් රථය 15 කනුව ආසන්නයෙන් ප්‍රපාතයට පෙරළී ඇති අතර, එය මීටර 500කටත් වඩා පහළට ගොස් ඇති බව සඳහන් වේ.
විනෝද චාරිකාවක් සඳහා තංගල්ලේ සිට ඇල්ල බලා පැමිණි තංගල්ල නගර සභා සේවකයන් පිරිසක් යළි තංගල්ල බලා යමින් සිටියදී මෙම අනතුර සිදුව ඇත.
අනතුරට පත්වූවන්ගෙන් 9 දෙනෙකු මේ වන විට රෝහල්ගත කර ඇති අතර අනෙක් පිරිස සොයා හමුදාව සහ ප්‍රදේශවාසීන් මේ වන විට කටයුතු කරමින් සිටියි.
ඒ අතර 4 දෙනෙකු මියගොස් ඇති බවද වාර්තා වේ.
