තායිලන්තයේ හිටපු අගමැති තක්සින් ෂිනවත්රාට වසරක සිර දඬුවමක් නියම කිරීමට එරට ශ්රේෂ්ඨාධිකරණය විසින් තීරණය කර ඇති බව වාර්තා වේ.
ඒ මීට පෙර ඔහුට පැනවූ වසරක සිර දඬුවමක දී රෝහලක ප්රභූ අංශයේ රඳවා තබා ගැනීම නීති විරෝධී බව සඳහන් කරමිනි.
ඒ අනුව, 2023 සිට 2024 මුල් භාගය දක්වා ඔහු පොලිස් රෝහලේ සුඛෝපභෝගී කාමරයක ගත කළ කාලය, ‘සිර දඬුවම් කාලය’ ලෙස ගණනය කළ හැකිද යන්න පිළිබඳව නැවත සමාලෝචනය කිරීමෙන් පසු මෙම තීන්දුව ප්රකාශයට පත් කර ඇති බවයි සඳහන් වන්නේ.
තක්සින් දිගු කලක් රෝහලේ රැඳී සිටීමේ වගකීම වෛද්යවරුන්ට පමණක් පැවරී නොමැති බවත්, ප්රකෝටිපතියෙකු වන තක්ෂින් ෂිනවත්රා හිතාමතාම ඔහුගේ රෝහල් කාලය දීර්ඝ කළ බවත් පවසමින් පස් දෙනෙකුගෙන් යුත් විනිසුරු මඩුල්ලක් මෙම තීන්දුව ලබා දී ඇති බව විදෙස් මාධ්ය වාර්තා කරයි.
ඔහුගේ පාලනයට එරෙහිව ගොඩ නැගුණ කුමන්ත්රණයකින් පසුව 2008 වසරේ දී ඔහු එරටින් පළාගිය අතර එහිදී එරට හමුදා නායකයින් බලය අල්ලා ගනු ලැබීය.
ඉන්පසුව ඔහු නොමැතිව ඔහුට එරෙහිව නඩු විභාගයක් පැවති අතර එහි තීන්දුව අනුව ඔහුට වසර 15ක සිර දඬුවමක් නියම කෙරුණු නමුත් ඔහු එම චෝදනා ප්රතික්ෂේප කර තිබූ අතර පසුව 2023 වසරේදී ඔහු නැවත සිය රටට පැමිණියේය.
එහිදී එරට ශ්රේෂ්ඨාධිකරණය විසින් ඔහුට වසර 8ක සිර දඬුවමක් නියම කළ නමුත් තායිලන්ත රජු විසින් එය වසරක් දක්වා අඩු කිරිමට පියවර ගෙන තිබුණි.
ඒ අනුව ඔහුට වසරක සිරදඬුවමක් නියම වූවද ඔහු එක්දිනක් හෝ බන්ධනාගාරයේ රැඳී නොසිටි අතර සෞඛ්ය හේතුන් මත එරට පොලිස් රෝහලක රඳවා සිට තිබේ.
පසුව 2024 වසරේ දී ඔහු නැවතත් නිදහස ලබා බැංකොක්හි පිහිටි සිය මන්දිරය වෙත පැමිණ තිබුණි.
එහිදී ඔහුට එරෙහිව නැවතත් නීතිමය ක්රියාමාර්ග ගෙන ඇති අතර එහි ප්රතිඵලයක් ලෙස අද නැවතත් ඔහුට වසර සිරදඬුවක් නියම කර තිබේ.
