ආසියානු කුසලානයේ එක්සත් අරාබි එමීර් රාජ්‍යයට එරෙහිව පැවැත්වෙන තරගයට පකිස්ථාන කණ්ඩායම ක්‍රීඩාංගණයට යාම පාකිස්තාන ක්‍රිකට් මණ්ඩලය විසින් නවතා දමා ඇති බව වාර්තා වේ.
ඒ අනුව ක්‍රීඩකයින් මේ වන විටත් නවාතැන් ගත් හෝටලයේ රැඳී සිටින අතර ඉදිරි තරග වලට සහභාගි වීමද අවිනිශ්චිත මට්ටමක ඇති බවයි වාර්තා වන්නේ.
පාකිස්තාන ක්‍රිකට් මණ්ඩලය (PCB) හදිසි මාධ්‍ය හමුවක් කැඳවා ඇති බවත්, එහිදී පැහැදිලි චිත්‍රයක් අපේක්ෂා කරන බවත් විදෙස් මාධ්‍ය වාර්තා කරයි.
ඉරිදා පැවති තරගයේදී ඉන්දීය ක්‍රීඩකයින් තම පාකිස්තාන සගයන් සමඟ අතට අත දීම ප්‍රතික්ෂේප කිරීමෙන් පසුව මෙම ගැටුම හටගත් අතර පහල්ගම් ත්‍රස්ත ප්‍රහාරය සහ ඉන් පසුව සිදු වූ සින්දූර් මෙහෙයුම හේතුවෙන් මේ තත්ත්වය ඇති වු බව ඉන්දීය නායක යාදව් මාධ්‍යය ඉදිරියෙ පවසා සිටියේය.
