2021 වසරේදී කොළඹ නෙළුම් පොකුණ රඟහලේ පැවති ලෝක විවාහක රූ රැජින තේරීමේ තරඟාවලියට අදාළව, විවාහක ලෝක රූ රැජිනක වන කැරලයින් ජූරි සහ මෝස්තර ශිල්පිනී චූලා පත්මේන්ද්‍රන් යන දෙදෙනාට එරෙහිව පවරා ඇති නඩුව, නොවැම්බර් 10 වැනි දිනට යළි කැඳවීමට කොළඹ මහේස්ත්‍රාත් අධිකරණය විසින් අද (29) නියෝග කර ඇත.
මෙම සිද්ධියට මුලික වී ඇත්තේ තරගාවලියේ ජයග්‍රහණය ලැබූ පුෂ්පිකා ද සිල්වාට පැලැන්දූ කිරුළ හිටපු විවාහක ලෝක රූ රැජිනක්වූ කැරලයින් ජූරි හා මෝස්තර ශිල්පිනියක වන චූලා පත්වෙින්ද්‍රන් යන සැකකාරියන් දෙදෙනා විසින් බලහත්කාරයෙන් ගලවා, ඇයට තුවාල සිදුකිරීමේ චෝදනාවයි.
නොවැම්බර් 10 දිනට සිද්ධිය සම්බන්ධයෙන් වැඩිදුර සාක්ෂි කැඳවීමට නියමිත බව කුරුඳුවත්ත පොලිසිය සඳහන් කරයි.
අද (29) නඩු විභාගයේදී සිද්ධියට අදාළ එක් විත්තිකරුවෙකු විසින් සාක්ෂි ලබා දීම සිදුකළ අතර, සිද්ධියට අදාළ වීඩියෝ දර්ශනද අධිකරණයට පෙන්වමින් නඩු විභාගය පැවැත්විය.
සිද්ධියට අදාළ වැඩිදුර සාක්ෂි විභාගය මීළඟ නඩු දිනයේදී සිදුකළ යුතු බව මහේස්ත්‍රාත්වරයා එහිදී නියෝග කර ඇත.
