කුරුණෑගල මහ නගර සභාවේ නගරාධිපතිවරයාට එරෙහිව පරීක්ෂණයක් පවත්වන ලෙස නියෝග කරමින් වයඹ ආණ්ඩුකාර අද්මිරාල් ඔෆ් ද ෆ්ලීට් වසන්ත කරන්නාගොඩ විසින් ඔහුගේ අත්සනින් යුතුව ගැසට් නිවේදනයක් නිකුත් කර තිබේ.
කුරුණෑගල මහ නගර සභාවේ නගරාධිපතිවරයා විසින් නගර සභා ආඥා පනතතේ කිසියම් නීතියක් උල්ලංඝනය කර ඇත්දැයි සොයා බැලීම අරමුණු කරගෙන මෙම පරීක්ෂණය පැවැත්වේ.
මාස 03 ක කාලයක් ඇතුළත මෙම පරීක්ෂණය පැවැත්විය යුතු බව ද එම ගැසට් නිවේදනයේ දක්වා ඇත .
එම ගැසට් නිවේදනයෙන් පරීක්ෂණය සඳහා විශ්රාමලත් විනිසුරු ලලිත් ඒකනායකට අදාල පරීක්ෂණ කොමිසම පත් කිරීමේ බලය පවරා එම පරීක්ෂණ කටයුත්තේ ප්රධානියා ලෙස ද පත් ඇත.
