පොළොන්නරුව මනම්පිටිය මහවැලි ගඟේ වැලි ගොඩදැමීමේ දෙවන අදියර සඳහා පොලොන්නරුව වනජීවී දෙපාර්තමේන්තුවේ නිලධාරීනී සහ පරිසරවේදීන් විරුද්ධත්වය ලිඛිතව ප්රකාශ කර තිබියදී ව නඅලි මෙන්ම වනසතුන් සැරිසරන මහවැලි ගඟේ ගඟේ දේවාල ප්රදේශයේ, වැලිමංකඩ විසිහයක් සඳහා රජයේ දේශපාලන ආධාරකරුවන් 26 දෙනකුට ඉතා කඩිනමින් ලබාදීමට සැලසුමක් ක්රියාත්මක වන බව පොලොන්නරුව වනජීවී නිලධාරීන් පිරිසක් සහ මංකඩලාභීන් පිරිසක් සඳහන් කළහ.
එම වැලි මංකඩ ලබාදීමෙන් ප්රදේශයට සිදුවන දැඩි පරිස ය විනාශය පිළිබඳ සහ පොළොන්නරුව නගරයට පානීය ජලය ලබා දීමේදී දී සිදුවන අර්බුදකාරී තත්තවයන් මාධ්ය මගින් හෙළිදරව්වත් කිරීමත් සමග එම වැලිමංකඩ ලබාදීමේ දීමේ වැඩසටහන හිටපු පරිසර අමාත්යවරයා හකුළාගත් බවත්, එම මංකඩ 26 නැවත වරක් තම හිතවතුන් 25 දෙනෙක් වෙත බෙදා දිමට වත්මන් පරිසර අමාත්ය නසීර් අහමඩ් කටයුතු කරමින් ඇති බවත් වනජීවී නිලධාරීහු පෙන්වා දුන්හ.
වසරක් තුල වැලිමංකඩ 26 න් වැලි කියුබ් 161,130 ගොඩ දැමීමට වනජීවී දෙපාර්තමේන්තුව මගින් 2022.12.24 වෙනි දින භූවිද්ය හා පතල් කැණීම් කාර්යාංශයට ලිපියකින් යොමු කර ඇති බව පොලොන්නරුව වනජීවි දෙපාර්තමේන්තුවේ ආරංචි මාර්ග හෙළි කළේය.
මනම්පිටිය ගගේ ගංවතුර කාලවලදී ගංගාව පිටාර ගැලිමෙන් ගම්මාන යට වන බවට අධිකරනයට අසත්ය කරුණු වාර්තා කරමින් මෙම වැලි ජාවාරම අඛණ්ඩව සිදු කිරීමට සැලසුම් සකස් කර ඇති බව එම ආරංචි මාර්ග හෙළි කළේය.
මේ පිළිබඳ ජනාධිපතිවරයාගේ මෙන්ම අගමැතිවරයාගේ සහ අනිකුත් අදාළ බලධාරීන්ගේ අවධානය යොමුකර මෙම දැඩි පාරිසරික විනාශය නතර කිරීමට අදාළ අංශවල අවධානය යොමු කරන ලෙස පොළොන්නරු වනජීවී නිලධාරීහු සහ පරිසරවේදීහු ඉල්ලා සිටියහ.
අප මේ පිළිබඳව පරිසර අමාත්ය නසීර් අහමඩ්ගේ නියෝජිතයකු යයි කියන මොහොමඩ් නසීම් හජ්මුල්ගෙන් දුර්ක දුරකථනයෙන් කළ විමසීමකදී ඔහු සඳහන් කළේ වැලිමංකඩ ලඟදීම ලබා නොදෙන බවත්, ඒ පිළිබඳව කරන චෝදනාව ප්රතික්ෂේප කරන බවත්ය.
