බම්බලපිටිය ප්රදේශයේදී ඊයේ රාත්රියේ ඩ්රෝන යානාවක් අනවසරයෙන් ගුවන්ගත කළ සරසවි සිසුවෙකු අත්අඩංගුවට ගෙන තිබෙනවා.
ඔහු බම්බලපිටිය දුම්රියපළ ආසන්නයේ එම ඩ්රෝන යානාව ගුවන්ගත කරමින් සිටියදී අත්අඩංගුවට ගෙන ඇත්තේ බම්බලපිටිය ඕෂන් ටවර් ගොඩනැගිල්ලේ ස්ථාපිත කර ඇති ගුවන් හමුදා මුරපොළේ, නිලධාරීන් කණ්ඩායමක් විසින්.
මෙලෙස අත්අඩංගුවට ගෙන ඇත්තේ නොරොච්චෝලේ ප්රදේශයේ පදිංචි, පෞද්ගලික සරසවියක ඉගෙනුම ලබමින් සිටින 22 හැවිරිදි තරුණයෙක්.
සැකකාර සරසවි සිසුවාගෙන් ප්රශ්න කිරීමේදී ඔහු ප්රකාශ කර ඇත්තේ, බම්බලපිටියේ අවන්හලකට වසරක් පිරීම නිමිත්තෙන් ඊයේ දිනයේ එය සැමරීම සඳහා එම ඩ්රෝන යානාව ගුවන්ගත කළ බවයි.
අත්අඩංගුවට ගත් සරසවි සිසුවා සහ ඔහු භාරයේ තිබූ ඩ්රෝන යානාව බම්බලපිටිය පොලිසියට භාර දී තිබෙනවා.
