ඔඩීෂා දුම්රිය අනතුරින් මාපියන් මිය ගිය සියලුම දරුවන්ගේ අධ්යාපන කටයුතු සඳහා අනුග්රහය දැක්වීමට අදානි සමාගම තීරණය කර ඇතැයි වාර්තා වේ.
ට්විටර් පණිවිඩයක් නිකුත් කරමින් එම සමාගමේ හිමිකරු වන ප්රකෝටිපති ව්යාපාරික ගෞතම් අදානි සඳහන් කර ඇත්තේ වින්දිතයන්ට සහ ඔවුන්ගේ පවුල්වල සාමාජිකයන්ට සහය වීමට මෙන්ම මාපියන් අහිමි වූ සියලු දරු දැරියන්ට නොමිලයේ පාසල් අධ්යාපනය ලබාදීමට තම සමාගම තීරණය කර ඇති බවය.
ඔඩීෂා හි දුම්රිය අනතුරින් අපි සියලුදෙනාම මහත් කම්පනයට පත්වුණා. මේ අනතුරින් මාපියන් අහිමි වුණු දරුවන්ගේ පාසල් අධ්යාපනය අපි බාර ගන්නවා. ඒක අපි හැමෝගෙම සාමුහික වගකීමක්. ඒ දරුවන්ට යහපත් හෙට දවසක් උදා කරදීම අපේ බලාපොරොත්තුවයි.‘ ගෞතම් අදානි එසේ සටහන් තබා ඇත.
ඉන්දියාවේ පසුගියදා සිදු වූ දුම්රිය අනතුරට හේතුව සංඥාවල දෝෂයක් බවට මූලික පරීක්ෂණවලදී මේවන විට හෙළිව තිබේ. එරට දුම්රිය ඇමතිවරයා සදහන් කළේ ඉලෙක්ට්රෝනික පද්ධතියේ ඇති වූ වෙනස්වීමක් හේතුවෙන් මෙම සංඥා දෝෂය සිදුව ඇති බවයි.
මෙම අනතුරේදී දුම්රිය 03ක් එකිනෙක ගැටුණු අතර ඉන් මියගිය පුද්ගලයින් සංඛයාව 275කි. ඇතැම් මරණ දෙවතාවක් ගණනය කිරීම නිසා මිය ගිය සංඛ්යාව මීට පෙර ඉහළ අගයක් වාර්තා විය.
